कोरं कोरं पान वहीसारखं छान
दादा जरा श्वेतपत्रिका आण
पत्रिकेला आणायाला लालदिव्याची गाडी
लालदिव्याच्या गाडीला शपथेची जोडी
शपथेचा विधी तुडवी सिंचनाचं रान
दादा जरा श्वेतपत्रिका आण
पत्रिकेची सुट्टी होता पाठीवर थापा
पाठीवर थापा नको टाकूस धापा
बाहूलीच्या तालावर आबा हलवी मान
दादा जरा श्वेतपत्रिका आण
कोर्या श्वेतपत्रिकेला टेंडराची साडी
टेंडराच्या साडीला दरवाढीची घडी
बंधार्याच्या पदराला घोटाळ्याची घाण
दादा जरा श्वेतपत्रिका आण
No comments:
Post a Comment